Gi-tratar sa CdeO-LGU nga “Unverified opinion” ang mikuyanap nga impormasyon nga adunay napulo ka tawong namatay tungod sa leptospirosis, dinhi sa syudad.
Namahayag si Janboy Actub, tigpamaba sa Opisina ni Mayor Rolando “Klarex” Uy, nga giingong nakuha sa wet market sa Cogon ang kagaw nga mitapot sa lawas sa mga biktima.
Sa pakighinabi sa BOMBO RADYO, gibutyag ni Actub nga wala pa moabot sa napulo ang natala nga kaso sa maong sakit.
Tungod sa gipahungaw nga impormasyon, gipatawag dayon sa mayor ang City Health Office aron masubay ang kamatuoran sa report.
Apan sa pagsusi sa mga death certificates, negatibo sa sakit nga leptos ang mga nangamatay nga biktima.
Giklaro usab ni Actub nga sa tuig 2025, upat ra ka kaso ang na-record sa City Health Office nga may kalabutan sa leptospirosis.
