Gipangandaman sa Philippine Navy ang agresibong search and rescue operation alang sa mga nawalang crew sa motor banca Amejara ug sa M/V Devon Bay sa dagat sa Sarangani, partikular sa border sa Pilipinas ug Indonesia.
Sa eksklusibong interbyu sa Bombo Radyo kang Philippine Navy Spokesperson Capt. Marissa Martinez, iyang gipahayag nga gawas sa mga barko nga gipadala, nag-deploy usab ang Philippine Navy sa mga aircraft sama sa Beechcraft ug King Air C90 aron mulusad sa maritime air surveillance ug matino ang posibleng nahimutangan sa mga survivor.
