Mipasidaan ang gobyerno sa Iran nga andam sila sa pagpanimalos kung mulusad ang Estadus Unidos sa pag-atake sa Tehran. Ang anunsyo gipalanog sa ilang Revolutionary Guard spokesperson nga si Mohammad Ali Naini.
Miingon si Naini nga unta dili lang masayop ang US sa pagsulod sa ilang territorial waters kay siguradong mugawas ang ilang mga missile ug sugdan ang ilang pagpanimalos.
Mahinumduman nga naka-abot na sa kadagatan sa Middle East ang USS Abraham Lincoln ug alang kanila usa kini ka porma sa probokasyon gikan kang US President Donald Trump.
Una nang namahayag ang Amerika nga andam sila nga mutabang sa gobyerno sa Iran aron mapabalik ang kahusay ug kalinaw sa ilang mga residente nga milusad sa duguong lihok protesta batok Irans Supreme Leader Ayatollah Khamenei
