Gipaubo na sa “state of calamity” ang Iligan City human ang Bagyong Basyang nagdala og grabe nga pag-ulan ug pagbaha nga nakaapekto sa 24 ka barangay sa syudad.
Sumala ni Armie Alorro, Officer 4 sa Iligan City LDRRMO, padayon gihapon ang relief operations sa ilang buhatan aron matabangan ang mga pamilya nga naapektuhan sa baha ug landslide.
Gipadayon usab ang clearing operations sa mga lugar nga grabe ang kadaut ug nangadamage tungod sa bagyo.Karong semana, matod pa sa buhatan sa OCD, pagasutaon nila ang tibuok damage assessment sa syudad aron mahibal-an kung unsa ka dako ang kadaut nga nahimo sa Bagyong Basyang sa lugar.
Giingon ni Alorro nga sa unang higayon sa kasaysayan sa syudad, ang urban area ang pinaka-grabe nga naapektohan, diin naguba ang 2 ka steel bridge ug 1 ka hanging bridge.
Dugang pa, kapin sa 3,258 ka pamilya o hapit 19,000 ka tawo ang na-displace tungod sa pag-awas sa mga suba ug kanal. (James Oliver)
