Gipahibalo sa San Pablo Regional Trial Court (RTC) nga gipalihay nila ang pagpagawas sa ‘warrant of arrest’ batok kang Charlie “Atong” Ang.
Sumala kang Justice Spokesperson Atty. Polo Martinez, mipasaka sa mosyon alang sa pag-undang sa proseso ang kampo ni Ang, hinungdan nga wala pa kini magpagawas sa warrant.
Samtang, ang mga korte sa Sta. Cruz ug Lipa City naka-pagawas na sa warrant batok kang Ang.
Gilauman nga sulod sa 10-ka adlaw, paga-hisgutan sa korte kung adunay igo’ng basihan sa pagpagawas sa warrant batok sa puganteng si Ang nga naga-atubang sa kaso sa pag-pangidnap ug pagkawala sa mga sabungero. (Phillip Ariata)
