Gisilotan sa 20-ka tuig nga pagka-priso si pro-democracy media tycoon Jimmy Lai mahitungod sa mga kaso nga nalambigit sa fraud ug collusion with foreign forces, kasunod sa iyang pagkontra sa National Security Law ug suporta sa mga dayuhan nga nanawagan sa demokrasiya.
Ang iyahang anak nga si Sebastien Lai, mipakita sa emosyonal nga suporta ug nanawagan sa internasyonal nga komunidad nga ipaglaban ang kagawasan sa iyang amahan ug sa ‘press freedom’ sa Hong Kong.
Giingon sa mga human rights groups nga ang silot usa ka death sentence alang sa 78-anyos nga si Lai, nga gikabalak-an tungod sa iyang kalawasan ug edad.
Hisayran nga si Lai, usa ka Briton ug kritiko sa China, nga gigamit ang iyang diyaryo nga ‘Apple Daily’ aron ipahayag ang protesta batok sa Beijing ug ipaglaban ang demokrasya. (Phillip Ariata)
