Nagatoo si Atty. Proculo Sarmen, usa ka labor law expert nga adunay bahid sa pamulitika, nga accountability ang tuyo ug tumong ni House Majority Leader Sandro Marcos sa iyang panukalang balaod, House Bill No. 7432, nga nag-ingon og “No Work, No Pay” alang sa mga magbabalaod sa nasud, apil na ang mga kongresista ug senador.
Sumala ni Sarmen, ang maong panukala nagtumong nga malikayan ang wala pagpakita sa trabaho sama sa nahitabo ni Senador Bato dela Rosa sa ilang opisina.
Aminado siya nga welcome ang ispiritu sa accountability sa panukala, apan isip usa ka labor advocate, giingon ni Sarmen nga gikinahanglan ang constitutional ug structural limits o mga prohibitions nga kinahanglan tukion sa mga magbabalaod.
Bisan pa niini, duda siya nga mapasar kini nga panukala tungod kay kontra kini sa interes sa kadaghanan sa mga opisyal. (James Oliver)
