Miabot na sa 50 porsiyento ang nahuman sa Phase 1 sa rehabilitasyon sa Epifanio de los Santos Avenue (EDSA), sumala sa Department of Public Works and Highways (DPWH).
Gibutyag ni DPWH Secretary Vince Dizon nga padayon ang ilang ginahimong pag-ayo aron matuman ang target nga mahuman ang unang hugna sa proyekto sa Hulyo ning tuiga.
Lakip sa mga ginahimo karon ang pag-ayo sa naguba nga mga lane, pagpalambo sa drainage system aron malikayan ang baha, ug pag-ayo sa mga sidewalk sa pipila ka bahin sa dalan.
Gilauman sa DPWH nga human makompleto ang Phase 1, mas mahimong hapsay ang dagan sa trapiko ug mas masiguro ang kaluwasan sa mga motorista ug pedestrian nga naggamit sa EDSA. (Jane Abulag)
