Kumbinsido ang law expert nga si Atty Proculo Sarmen nga na-abusuhan ni Senate President Vicente Sotto III ang iyang gahum dihang iyang gibiay-biay ang Korte Suprema, human nila gipagawas ang En Banc Ruling sa 2025 Impeachment Case ni Vice President Sara Duterte.
Sa pakighinabi sa BOMBO RADYO, namugos si Sarmen nga tataw nga GIBASURA sa liderato sa Senado ang hukom sa mayorya sa mga mahistrado kay nakalakmit pa man kini nga mas maayo pa ang mga nagtungha sa abogasiya kon itande sa ilang argumento sa pagdeklarar nga unconstitutional ang proseso sa impeachment sa bise presidente.
Si Atty Sarmen, miingon nga kung abogado pa si Sotto, taas ang tsansa nga siya ma-disbar.
Apan gumikan kay naghawid siya sa taas nga posisyon sa gobyerno, ug ang iyang mga pulong nag-inisyar sa pagguba sa kredibilidad sa pinakataas nga hukmanan sa nasud, sakto lang nga mapasakahan siya sa reklamong “in-direct contempt”, sa mga grupo sa abogado sama nila Atty Ferdinand Topacio, HaroldRespicio, ug Manuel Luna.
