Masaligon si Manila 6th District Representative Bienvenido Abante Jr., nga makakuha siya sa labaw pa sa 1/3 nga boto gikan sa mga miyembro sa House of Representatives aron ma-impeach si Bise Presidente Sara Duterte, ning tuiga.
Sa press conference nga gipahigayon sa kampo ni Abante, iyang giingon nga adunay mga lig-on nga suporta sa iyang mga kaubang kongresista ang affidavit ni Ramil Madriaga.
Kini maoy yawe sa pagpalig-on sa dugang kaso nga atubangon ni Vice President Sara Duterte.
Segun sa sworn statement ni Madriaga, si VP Duterte kono gipondohan sa mga adunahang POGO gamblers niadtong nangampanya sa iyang pagpa-bise presidente sa 2022 Presidential Elections.
Alang kang Abante, ang bag-ong reklamo nga atubangon ni Duterte maoy magsilbing babag sa iyang mas taas nga political interes.
