Gipangandaman na sa kampo ni kanhing Senador Antonio Trillanes IV ang pag-pasaka sa cyberlibel case batok kang Atty. Levito Baligod ug 18 ka kanhing sundalo nga nagpa-ilang retirado.
Subay kini sa pagbutyag sa grupo nga nakadawat si Trillanes sa kantidad $2-milyon gikan kang kanhing House Appropriations Committee Chairman Zaldy Co alang sa imbestigasyon sa International Criminal Court (ICC) batok kang kanhing Presidente Rodrigo Duterte.
Matod ni Trillanes, gi-andam na ang mga dokumento ug iyang gi-insistir nga walay kamatuoran ang alegasyon diin iyang gipasiugda nga gihimo lang kini aron daoton ang imahe sa ICC.
Dugang pa niya nga kadudahan ang timing sa grupo kay misabay kini sa confirmation of charges hearing sa kaso sa ni Duterte. (Phillip Ariata)
