Kinumpirma sa embahada sa Pilipinas sa Israel nga dili pa makauli ang lawas sa pinay caregiver nga namatay sa pag-atake sa Iran sa Israel.
Namahayag si Aileen Mendiola, Philippine Ambassador to Israel nga sirado ang tanan utlanan sa ilang nasud ug sa higayon nga magbukas na, ayha pa ila ipadala balik ang ilang lawas, kuyog sa iyang kapikas.
Gisaad usab ni Mendiola nga makuhaan sa pensyon gikan sa Israeli Government ang namatay nga Overseas Filipino Worker (OFW)
Mahinumduman nga sa unang 24 oras nga binaslanay sa missiles ug drones sa Iran ug Israel, usa si ang OFW nga si Mary Ann Velasquez De Vera, ang naigo sa shrapnel sa mitipas nga missile sa Iron Dome System sa Tel-Aviv.
Lumad nga taga Pangasinan ang namatay nga OWF.
Si De Vera nagtrabaho isip caregiver sukad pa sa 2019.
