Mipalag si Senador Rodante Marcoleta sa gipagawas nga video ni Senate Protempore Panfilo Lacson kalabot sa iyang pahatag sa Kalayaan Island Group (KIG).
Sa iyang privilege speech sa Senado, gipanghimakak sa Senador ang video nga gipakatag ni Lacson batok sa iyang baruganan sa KIG. Miingon si Marcoleta nga video “cheapfake” o giputol-putol aron ipatoo sa publiko nga gusto niyang isurender ang KIG, nga kabahin sa teritoryo sa Pilipinas.
Iyang gipamugos nga wala siyay giluwat ngamga pulong nga itahan ang yuta nga sakop pa sa Pilipinas.
Gani, gipakita niya ang transcript sa Commission on Appointments hearing aron ipamatood ang konteksto sa iyang pahayag sukwahi sa video ni Lacson.
