Nagpasalamat si Presidente Ferdinand Marcos Jr. sa pagbisita ni South Korean President Lee Jae Myung ug nagkasabot ang Pilipinas ug Republic of Korea nga palalomon pa ang bilateral exercises.
Sa joint press conference sa Malacañang, miingon si Marcos nga nakabuhat ang duha-ka nasud sa dagkong lakang sa pagpalapad sa kooperasyon, lakip na sa depensa ug seguridad, maritime cooperation, trade ug investment, ug people‑to‑people exchanges.
Gipadayag ni Marcos ang tinguha nga mas mapuslan ang Free Trade Agreement (FTA) aron mapalambo ang ekonomiya sa duha-ka nasud, ug gipasalamatan ang Korea sa kontribusyon sa modernisasyon sa Armed Forces of the Philippines (AFP), pagpabakod sa Philippine Coast Guard (PCG), sa shipbuilding, lakip usab sa semi-conductors, ug mga proyekto sa imprastruktura.
Saksi usab ang duha ka lider sa pagpirma sa napulo-ka kasabutan nga naglakip sa digital ug teknolohikal nga kooperasyon, pagpalit sa defense materials, pagtambayayong sa agrikultura ug kalakalan, pagpalapad sa cultural exchanges, ug mas lig‑on nga ugnayan sa Philippine National Police ug sa Korean National Police Agency. (Phillip Ariata)
