Gipalubog sa usa ka United States submarine ang Iranian warship “IRIS Dena” duol sa habagatang baybayon sa Sri Lanka, nga nakapatay sa daghang sakop ug nagpalapad sa paningkamot sa Washington batok sa Iranian navy.
Matod sa Sri Lankan Deputy Foreign Minister nga gikan ang maong warship sa usa ka pantalan sa India ug pauli na unta sa Iran sa dihang giigo sa torpedo gumikan sa submarine sa Estados Unidos.
Sumala sa mga awtoridad sa Galle, 87-ka lawas ang nadala sa ospital samtang 32 ang naluwas ug gi‑atiman, ug kapin sa 60 pa ang wala pa makit-i gikan sa gibana-bana nga 180-ka tawo nga sakay sa barko.
Gipadayag ni US Defense Secretary Pete Hegseth nga ang barko nga nagtuo nga luwas sa international waters ilang gipahugno sa hilom nga kamatayon.-(Phillip Ariata)
