Nagtoo si Vice President Sara Duterte nga posibleng gigamit lang si Ramil Madriaga sa mga nagreklamo kaniya’g impeachment kay wala silay matudlo nga tawo isip source sa ilang mga alegasyon.
Mahinumduman nga si Madriaga maoy gitumbok nga “bagman” ni Duterte sa panahon nga kini nangampanya sa 2022 Presidential Elections, isip vice president ug running mate ni President Ferdinand Marcos Jr.
Segun sa mga reklamante, mitug-an si Madriaga nga siya ang nagkuha sa mga bags nga puno sa salapi gikan sa drug money ug nasolicit sa bise president sa managlahing POGO Hubs.
Kini nga mga alegasyon, pulis gihimakak sa bise president.
Una nang napriso si Madriaga tungod sa mga kasong kidnapping sa tuig 2023, ug laing kasong perjury nga gipasaka ni VP Sara niadtong Marso 4 ning tuiga.
