Gipamugos ni Vice President Sara Duterte nga dili siya mao ang tinood nga suliran sa katilingban. Gidepensa niini ang iyang kaugalingon human siya kanunay nga itudlo nga problema sa nasud sa grupong Makabayan ug sa administrasyon ni Presidente Bongbong Marcos.
Iya usag gi-ingon nga bisan si First Lady Liza Araneta ug ang anak nga si Sandro Marcos nagtan-aw kaniya isip ilang problema.
Gibutyag ni VP Sara nga ang tinuod nga problema sa nasud mao ang kurapsyon, kahirapan, kriminalidad, ilegal nga droga, kagutuman, ug daghan pang uban.
Alang kaniya, dili ang iyang presensya ang hinungdan sa pag-antos sa katawhan, kundili ang mga sistematikong isyu nga dugay nang wala masulbad.
Gipangutana usab niya nganong siya ang pirmi nga gitutukan sa administrasyon, samtang nagbaha ang daghang suliran sa nasud nga mas angay unta nilang atubangon ug solusyonan.
