NAG-AWHAG ang kongresista sa Misamis Oriental 1st District nga si Congresswoman Karen Lagbas sa publiko nga bantayan ug sabton ang pormal nga proseso sa impeachment complaint batok kang Vice President Sara Duterte.
Sa iyang interbyu sa Bombo Radyo, giingon ni Lagbas nga importante nga masabtan sa katawhan ang tanang lakang sa proseso aron makahimo sila sa husto ug “well-informed” nga opinyon kabahin sa maong isyu.
Gipahimangnoan usab niya ang publiko nga bantayan ang mga deliberasyon ug mga report nga ipresentar sa Kongreso pinaagi sa live coverage aron masabtan ang mga ebidensya ug alegasyon nga gipalatag batok sa bise presidente.
Matud pa sa kongresista nga maningkamot siyang paminawon ug konsultahon ang mga opinyon sa katawhan sa iyang distrito samtang nagpadayon ang proseso sa impeachment sa Kamarabaha.
Giingon ni Lagbas nga ang maong isyu kinahanglan tan-awon sa pormal ug legal nga paagi aron masiguro nga patas ug base sa ebidensya ang mahimong desisyon sa mga magbubuhat sa balaod.
