Gilaraw sa grupong Samahang Manibela, Mananakay at Nagkaisang Terminal ng Transportasyon (SMMITT) o mas naila sa ngalang MANIBELA nga mupasaka sa singil sa pletehan sa piso hangtud dos pesos. Kini ang tinguha sa grupo ni Manibela Chairman Mar Valbuena, tungod sa nagka-grabe nga pagsaka sa presyo sa lana sa Pilipinas. Gibutyag ni Valbuena nga pormal nilang gipasa ang ilang petisyon sa Land Transportation Franchising and Regulatory Board (LTFRB) aron makahatag sa gamay nga ka-arangan sa ilang mga driver. Namugos si Valbuena nga halos 100% na ang pagsaka sa presyo sa lana gikan sa base price nga 55 pesos per litro, ug karon, dul-an 100 na ang usa ka litro sa krudo. Kini maoy triggering factor kung nganong gidason nila ang pagpasaka sa singil sa pletihan. Hisayran nga sa naglabay nga adlaw anaa sa 400-500 ang nawala sa kinitaan sa ilang mga drayber.
