Gi-anunsyo ni Presidente Ferdinand Marcos Jr ang pagkunhod sa pletehan sa eroplano luyo sa pagsaka sa presyo sa lana tungod sa kagubot sa Middle East, nga nagresulta sa pagdoble sa presyo sa jet fuel.
Ang presidente mitin-aw nga aron matabangan ang mga pasahero ug mga airline companies, iyang gimanduan ang Department of Transportation (DOTr) ug Civil Aviation Authority of the Philippines (CAAP) nga minusan ang airport fees sama sa passenger service charges ug navigation charges.
Tumong niini ang “abot-kaya” nga pamasahe sa eroplano bisan pa sa kalit nga pagsaka sa presyo sa tubil sa mga abyon.
Gidugang pa ni Marcos nga ang Department of Social Welfare and Development (DSWD) maghatag ug ₱5,000 cash relief alang sa mga tricycle, jeepney, ug TNVS drivers.
Sa katapusan sa Marso, ipatuman sa DOTr ang fuel subsidy program aron mas mapagaan ang epekto sa mahal nga lana sa sektor sa transportasyon.
Gisiguro sa presidente nga ang gobyerno magpadayon sa pagpangita saug paagi aron mapagaan ang gipas-an sa katawhan, labi na sa transportasyon nga direkta nga naapektuhan sa global oil crisis.
