Lima ka mga lugar sa Pilipinas ang maigo sa tag 40°C nga heat index ning adlawa. Sugod alas 10 sa buntag hangtud sa alas 4 sa hapon lauman ang kaigan sa Tuguegarao Cagayan, San Jose Occidental Mindoro, sa Luzon; Ilo-ilo City, La Granja La Carlota Negros Occidental sa Visayas, ug Dipolog City Zamboanga del Norte sa Mindanao.
Samtang ang San Ildefonso Bulacan makasinati sa 41°C sugod alas 12 sa udto padulong sa alas 2 sa hapon.
Ang uban bahin sa Pilipinas nga maigo sa 39°C mao ang Dagupan Pangasinan, Echague Isabela, Muñoz Nueva Ecija, Camaling Tarlac ug Taclac City, Cavite City, Puerto Princesa Palawan, Aborlan Palawan, Dumangas Iloilo, Borongan Eastern Samar, Zamboanga City ug Butuan City, Agusan del Norte.
Sa pagpasulabi sa Easterlies, ang Manila ug pipilang bahin sa National Capital Region makatagamtam sa fine weather o walay tsansa sa ulan. Kasarangan padulong sa kusog ang huyop sa hangin nga muabot sa 24km/h bandan alas-5 sa hapon. Ang heat index gibana-bana sa 34°C ilabe na sa ala-1 hangtud sa alas-4 sa hapon.
Sama sa gilauman, “sunny day” ang matagamtaman sa Visayas. Mupasulabi ang tumang kainit sa adlaw pagka alas-11 sa buntag ug musamot pa pagka alas 2 sa hapon. Anaa lamang sa 11km matag oras ang huyop sa hangin.
Sa Northern Mindanao, ang syudad sa Cagayan de Oro ug Misamis Oriental makasinati maayong lakat sa panahon. Halos walay tsansa sa ulan sa tibook adlaw apan, lauman ang tumang kaigang pag-abot sa alas-10 sa buntag hangtud sa alas 3 sa hapon. Muabot sa 35°C ang heat index. Anaa 15km matag oras ang labing kusog nga huyop sa hangin sa bandang alas alas 2 sa hapon.
