Gitin-aw ni Luzminda Escobidal, Presidente sa Northern Mindanao Federation of Transport Cooperatives (NOMFEDTRANSCO), nga ilang gihangyo ang mga barangay kapitan ug ang opisina mismo ni City Mayor Klarex Uy nga suportahan sila sa pagpatuman sa na-oktaba nga “fare hire” niadtong Marso 19.
Gibutyag ni Escobidal nga nangayo sila sa Barangay Resolution aron mapatuman ang dugang P3 sa regular nga pletehan sa unang 4 kilometro nga rota sa PONTRANSCO o PN Roa Canitoan Transport Cooperative (Pontransco) alang sa mga pampasaherong jeep, ug dugang P2 para sa modernized jeep.
Gawas niini, adunay dugang kapin P2 sa matag mosunod nga kilometro sa ika-lima nga kilometro nga biyahe, ug laing P2 sa matag mosunod nga 3 kilometro nga biyahe.
Sa pikas bahin, nagpasa usab ang grupo sa petisyon sa opisina sa Mayor aron unta mahatagan sila og “stabilization support program.” Napasa nila ang sulat niadtong Marso 18, apan hangtod karon wala pa kini aksyuni sa Mayor.
