Si Neymar, top scorer sa Brazil nga adunay 79 goals sa 128 ka duwa, posible pa nga maapil sa 2026 FIFA World Cup.
Namahayag si assistant coach Davide Ancelotti, bisan pa sa iyang injury ug limitadong pagdula, adunay oras pa si Neymar aron makabawi sa porma.
Nakaagi ang sikat nga atleta sa operasyon sa tuhod ug wala pa makadula alang sa Brazil sukad sa ACL injury kontra Uruguay niadtong Oktubre 2023.
Karong tuiga, unom ra ka beses siya nakadula para sa Santos.
Giingon ni Davide nga ang squad list ipahibalo sa Mayo 18, duha ka semana sa wala pa ang opisyal nga deadline sa FIFA.
Nagpabilin nga usa ka dakong paglaum si Neymar alang sa Brazil tungod sa iyang rekord ug kontribusyon sa team.
