Giklaro ni Misamis Oriental Board Member Dexter Yasay nga dili tinood nga gi‑slashan sa Sangguniang Panlalawigan ang proposed budget sa opisina ni Governor Juliet Uy.
Sa iyang eksklusibong interbyu sa Bombo Radyo, gitin‑aw ni Yasay nga dili ang budget alang sa mga Provincial Hospitals sa Misamis Oriental ang ilang gislushan, kundili ang opisina sa Provincial Health Office — lahi nga departamento nga nag‑supervise lamang sa mga ospital sa probinsya.
May kalabutan kini sa isyu sa kakulangon sa mga tambal sa mga ospital sa probinsya, nga giingong tungod kay gikuhaan ang ₱95 milyon nga proposed budget sa kapitolyo.
Gipensahan ni Yasay ang ilang bahin ug giingon nga sayop ang pag‑analisa sa mga taga‑Kapitolyo Probinsyal.
Matod pa niya, ang allocated budget para sa medisina gikan sa proposed budget sa probinsya anaa lamang sa ₱100,000, samtang ang para sa medical equipment kay ₱200,000. Giingon pa ni Yasay nga usa kini ka “misleading” nga impormasyon batok sa Sangguniang Panlalawigan.
