Gipadayag ni COCPO Spokesperson PCAPT Emilita Simon nga padayon ang hugot nga pagpahigayon sa police operations sa Cagayan de Oro City bisan pa sa pagsaka sa presyo sa mga produktong petrolyo, aron masiguro nga dili maapektuhan ang serbisyo sa kapulisan.
Matod pa niya, giingon sa city director nga “non negotiable” ang padayon nga pagtuman sa katungdanan sa kapulisan, ug kinahanglan pa nga mas palig onon ang operasyon imbes nga pahinayon, bisan pa sa kasamtangang kahimtang sa ekonomiya.
Dugang pa ni PCAPT Simon, gipahugtan ang border control points, intelligence monitoring, ug koordinasyon sa mga bangko, mall, ug negosyo aron malikayan ang posibleng krimen nga mahimong mosaka tungod sa kahimtang karon.
Busa gi awhag sa kapulisan ang publiko ug mga establisemento nga palig onon ang seguridad pinaagi sa CCTV, suga sa palibot, ug maayong pag amping sa mga kabtangan aron malikayan ang insidente sa krimen.
