Gisaway ni Lanao del Sur Representative Zia Alonto Adiong ang kampo ni Vice President Sara Duterte nga inay motubag sa social media ug public interviews, mas angay nga buhaton kini sa House Committee on Justice.
Matod ni Adiong nga daghang maayong tubag ang kampo ni Duterte, ilabi na ang iyang mga abogado, apan dili kini mahatagan sa pormal nga kabug‑aton kon sa social media lang ipaambit.
Hisayran nga usa sa mga gi-atubang nga alegasyon mao ang testimonya ni Ramil Madriaga bahin sa P125-milyon nga confidential funds sa bise presidente.
Apan matod pa ni Adiong, tungod kay sa media ug social media lang kini gi-kontra, wala kini epekto sa kasong gi-atubang sa Bise Presidente.
