Gipatuman na sa LTFRB ang paggamit sa mga e-wallet, sama sa GCash ug Maya, aron mas mapaspas ang pag-apod-apod sa fuel subsidy ngadto sa mga drivers, diin kini nga digital system nagtumong nga malikayan ang taas nga linya sa bangko ug masiguro nga diretso ang ayuda sa bulsa sa mga benepisyaryo.
Gipahinumdoman ang tanang drivers nga kinahanglan “fully verified” ang ilang mga account aron malikayan ang bisan unsang kalangan sa pagdawat sa pundo, dungan sa hugot nga pasidaan gikan sa mga otoridad nga magmabinantayon batok sa mga scammer ug dili gayod ihatag ang MPIN o OTP sa bisan kinsa.
Kini nga lakang kabahin sa tinguha sa kagamhanan alang sa mas transparent ug hapsay nga serbisyo sa sektor sa transportasyon, ilabi na taliwala sa sige-sige nga pagsaka sa presyo sa lana sa merkado. (jane mae abulag)
