Girekomendar sa Philippine Drug Enforcement Agency (PDEA) -X sa lokal nga kagamhanan sa syudad nga e-rebyu ang ilusad nga hiring alang sa mga traffic enforcers.
Nunot kini sa gilusad nga random drug test sa PDEA, ngadto sa mga miyembro sa Roads and Traffic Administration (RTA), sa naglabay nga adlaw.
Subay sa report, sa 161 nga mipaubos sa test, siyam ang nagpositibo sa paggamit sa shabu, ug usa ang nagpositibo sa paghit-hit sa marijuana.
Gitin-aw ni Willie Dacula, Spokesperson sa PDEA-10, nga human sa inisyal nga screening sa site, subli mitumaw ang napulo nga nagpositibo sa paggamit sa ilegal nga druga sa ilang confirmatory test.
Una niini, gidayeg sa anti-drugs agency ang pro-active support sa opisina ni Mayor Klarex Uy, nga nagtumong sa pagpapaniguro sa himsog ug luwas ang mga trabahante sa cityhall layo sa makadaut nga ilegal nga druga
