Gimugna sa Office of Civil Defense (OCD) Region 10 ang Task Force El Niño aron pangulohan ang dinalian nga pagpangandam batok sa epekto sa grabeng ting-init sa Amihanang Mindanao.
Food Security ang gihatagan og prayoridad aron masiguro nga lig-on ang suplay sa pagkaon ug malikayan ang pagsaka sa presyo sa merkado.
Gawas sa pagkaon, hugot usab nga gi-monitor ang Water ug Energy Security aron malikayan ang kakuwang sa tubig sa mga panimalay ug masiguro nga magpabiling stable ang suplay sa kuryente aron dili mabalda ang serbisyo publiko.
Samtang, ang Department of Health (DOH) nagtutok sa Health Security pinaagi sa pag-andam sa mga balay tambalanan ug suplay sa tambal batok sa mga sakit nga sagad motumaw tungod sa grabeng kainit.
Sa pagkutlo ning balita, gipasalig ni OCD Regional Director Antonio Sugarol ang Public Safety pinaagi sa Bureau of Fire Protection nga andam moresponde sa bisan unsang emerhensya, ilabi na ang hulga sa sunog, alang sa kinatibuk-ang kaluwasan sa katawhan sa tibuok rehiyon. (jane abulag)
