Gi-presentar ni Senator Imee Marcos ang Senate Bill No. 2067 nga nagtinguha nga ipalangan ang Barangay ug Sangguniang Kabataan Elections (BSKE) gikan Nobyembre 2026 ngadto sa Oktubre 2027 tungod sa kabalaka nga daghang Pilipino ang dili makabotar tungod sa mahal nga pamasahe ug krudo.
Sa maong sugyot, nakasulat nga kon ma-postpone ang eleksyon, magpadayon ang serbisyo sa mga opisyal sa barangay aron mas matutukan nila ang panginahanglan sa komunidad.
Hisayran nga una nang gibutyag sa COMELEC nga moabot sa kantidad P16-bilyon ang gastohon alang sa BSKE, gawas pa sa dugang nga gasto sa PNP, DepEd ug lokal nga pangagamhanan.
Gibug-aton ni Marcos nga mas maayo nga gamiton una ang budget alang sa pagkaon, krudo ug uban pang serbisyo, samtang matod usab niya nga nahimutang duol sa Undas ang iskedyul sa eleksyon nga posibleng mahimong hinungdan sa taas nga pamasahe ug daghang biyahero. (PHILLIP ARIATA)
