Ang Department of Agriculture pinaagi ni Sekretaryo Francisco Tiu Laurel Jr. nagpahibalo nga ang presyo sa bugas posibleng mosaka sa ₱60 hangtod ₱62 matag kilo sa Setyembre 2026.
Ang pagsaka sa presyo nagsumikad sa kalit nga pagtaas sa gasto sa abono nga gikan ₱1,650 ngadto ₱3,000.
Sa pagkakaron, ang premium rice nagkantidad og ₱58.87 kada kilo samtang ang well-milled rice ₱48 ug ang regular-milled rice ₱42.50.
Aron makaginansya ang mga mag-uuma, kinahanglan nga mapalit ang wet palay sa ₱22 ug ang dry palay sa ₱27 kada kilo.
Gitun-an usab sa DA ang paggamit sa biofertilizers ug rice blends aron mapugngan ang pagsaka sa presyo.
Ang El Niño ug kagubot sa Middle East nagdugang sa risgo sa suplay ug presyo sa bugas.
