Gitawag ni Atty. Peter Paul Danao, Legal Counsel ni Atty. Manases “Mans” Carpio, nga usa ka “fishing expedition” ang lihok sa House Committee on Justice nga ipadayag ang bank transactions ug tax returns sa iyang kliyente isip kabahin sa impeachment complaint batok ni Vice President Sara Duterte.
Gipunting ni Danao nga dili angay nga apil sa imbestigasyon ang mga rekord gikan pa sa tuig-2007 tungod kay si Carpio usa ka pribadong indibidwal ug si Duterte lamang ang subject sa impeachment sukad tuig-2022.
Gi-kuwestiyon usab ni Danao kon ngano nga kinahanglan pa sa subpoena sa mga bank transactions ug tax returns human giingon nga “sufficient in form and substance” na ang reklamo.
Gipangayo ni Danao nga tugotan una ang korte nga mosulbad sa kaso sa wala pa ablihan ang sealed box karong adlawa Abril 29 nga naglangkob sa tax returns sa magtiayon. (phillip ariata)
