Sa duha ka managsunod nga higayon, wala hatagi sa tsansa si Batangas 1st District Representative Leandro Leviste nga madungog ang iyang privilege speech sa sesyon sa kamarabaha.
Inay dunggon, gilayong gisuspenso ni House Deputy Speaker Congressman Bambi Emano ang sesyon.
Gusto unta sa batan-ong magbabalaod nga mangayo’g katin-awan kung unsa ang koneksyon nila Executive Secretary Ralph Recto ug ang Construction Worker Solidarity Representative Edwin Gardiola.
Unang natumbok sa Independent Commission for Infrastruture (ICI) si Gardiola isip pinakadakung DPWH contractor sa Kongreso.
Taliwala nga wala napadayon ang iyang privilege speech, gipamugos sa magbabalaod nga iya ra ipagawas ang iyang mensahe sa mas tukmang panahon.
Miingon si Leviste nga ang kalit nga suspensyon sa sesyon, mas nakapapukaw sa pangutanan sa publiko kung nganong adunay galikayan nga isyu ang plenaryo
