Klaro nga usa ka “fishing expedition” ang paghisgot sa SALN ug uban pang alegasyon batok kang Vice President Sara Duterte, matod ni Atty. Rhobert Maestre, IBP Board Member sa Misamis Oriental chapter.
Butyag ni Maestre nga ang kampo sa depensa nagtan-aw nga kulang ug dili pa lig-on ang ebidensya nga gipresentar sa impeachment proceedings.
Dugang pa niya, giingon nga ang prosecution nagpanghimatuud nga lig-on ang ilang kaso, apan ang depensa nagpasiugda nga ang mga alegasyon wala pa nasuportahan og klarong dokumento.
Busa, alang kaniya, sa aktuwal nga trial makita kon naa ba gyud existing nga legal basis sa mga reklamo nga gisang-at sa House of Representatives.
Usa kini ka maayong higayon para mapamatud-an ni Vice President Sara Duterte ang iyang baruganan batok sa mga alegasyon nga gipataw kaniya.
