Gipanghimakak ni House Justice Committee Chair Representative Gerville Luistro ang alegasyon ni Bise Presidente Sara Duterte nga adunay mga magbabalaod nga nakapahimulos sa proseso sa impeachment.
Gipasalig ni Luistro nga walay alok, hulga, o pabor nga nahitabo samtang gidungog sa komite ang reklamo batok sa Bise Presidente sulod sa duha ka bulan.
Gibug-aton usab niya nga ang impeachment usa ka konstitusyonal nga proseso nga dili angay malangan.
Matod pa ni Luistro, human sa sponsorship speech ug debate sa plenaryo ugma sa Lunes, Mayo 11, gilauman nga dayon usab ang botohan kung ipadayon sa Senado ang articles of impeachment batok kang Duterte. (phillip ariata)
