Giyagyag ni Senadora Imee Marcos ang giingong pamaagi sa pagpanghadlok batok sa mga opisyal nga dili mosuporta sa impeachment complaint ni Bise Presidente Sara Duterte, dungan sa pagbutyag nga gigamit ang mga ahensya sama sa Ombudsman, DOJ, NBI, ug SEC aron pitson ang mga politiko pinaagi sa hulga sa pagpasaka og mga kaso.
Gihisgutan usab sa senadora ang pagka-bara sa mga proyekto sa imprastraktura tungod sa “for later release” o flr funds, diin giingong gihuptan ang budget isip matang sa pressure samtang gipasanginlan ang nagkagrabe nga utang sa nasud ug ang pagpangandam sa barangay ug sk elections nga maoy hinungdan sa pagkalangan sa mga tulay ug kalsada.
Nanawagan karon si Marcos og dinaliang katin-awan gikan sa administrasyon kabahin sa nagaka-hitabo nga panuhol ug pagpanghadlok nga matod pa niya naghugaw-hugaw na sa sistema sa politika sa Pilipinas. (jane abulag)
