Nagkaguliyang ang social media human nag-post ang PNP Cateel Municipal Police Station og listahan sa 14 ka wanted active persons niadtong miaging adlaw sa alas-otso singkuwenta sa buntag.
Matod pa ni Cobbie Jan Canda,Chairperson sa Kabataan Patylist kinsa lakip nga na post sa wanted list nga siyam sa mga tawo sa listahan mga aktibista ug estudyante samtang ang uban mga kababainhan ug human rights workers.
Gikwestyon ni Canda ang gipakita nga double standard tungod kay gipagawas ang ilang mga hulagway ug impormasyon bisan og walay bisan unsang warrant of arrest batok kanila.
Bisan pa man sa pagpangayo og pasaylo sa station chief sa PNP pinaagi sa Davao Today tungod sa giingong sayop nga hulagway, gibutyag ni Canda nga dako na ang naidlot nga kadaot sa ilang reputasyon ug sa ilang pamilya.
Dugang pa sa maong biktima, dili makatarunganon ang pag-post sa ilang mga dagway ug pangalan ilabi na nga ang uban nga tinuod nga adunay kaso sama sa frustrated homicide giprotektahan ug gi-blur pa ang ilang mga nawong.
