Dihang mibati sa pagtay-og sa yuta, ang mga personahe sa Opol Municipal Police Station nga gipangulohan ni PMAJ Antonio Y. Luy Jr. daling miresponde aron abagan ang mga estudyante, magtutudlo, ug kawani sa Opol Central School.
Gisiguro sa mga kapulisan ang tukmang pagpatuman sa Duck, Cover, and Hold procedure samtang giabagan nila ang luwas ug hapsay nga pagbakwit sa mga tinun-an paingon sa mga gitakdang luwas nga dapit.
Dugang pa sa maong kalihokan, padayong gimonitor sa mga awtoridad ang sitwasyon ug nakig-alayon usab sila sa mga hingtungdan aron masiguro nga walay nahitabong disgrasya sa maong insidente.
Human sa pagpahigayon sa evacuation, gipahinumdoman ni PMAJ Luy ang publiko nga magpabiling kalmado, magmatngon, ug mosunod sa mga giandam nga protocol sa kaluwasan panahon sa mga emerhensya.
Tungod niining daling aksyon sa mga polis, nahimong malinawon ang kahimtang sa mga estudyante ug wala nay bisan unsang wala damhang hitabo nga gitaho human sa linog.
