Giawhag ni Romeo Aclo, ang Program Head sa DepEd CDO, ang mga ginikanan, magtutudlo, ug mga opisyal sa barangay nga magtinabangay aron masiguro ang kaluwasan sa mga kabataan human nasinati ang linog sa unang adlaw sa pagbukas sa klase alang sa school year 2026-2027.
Nunot niini, gipasalig sa maong opisyal nga padayon ang ilang pag-atubang sa klase pinaagi sa pag-gamit og opening block aron dali nga maka-adjust kung adunay kakulangan sa mga pasilidad.
Gipahinumdoman usab ni Aclo ang mga ginikanan nga mokuha lamang og impormasyon gikan sa mga kasaligang tinubdan sama sa city information ug sa mga eskwelahan aron dili makahatag og wala kinahanglana nga kakulba.
Dako usab ang iyang pasalamat sa suporta sa komunidad ug lokal nga panggamhanan sa pag-alagad aron dili maputol ang pagtuon sa mga estudyante.
Sa katapusan, iyang gihatagan og gibug-aton nga pinaagi sa resiliency ug discernment, magpabiling mahayag ang kaugmaon sa mga kabataan bisan pa sa mga pagsulay nga nasinati.
