Kritikal ang kahimtang sa usa ka 35-anyos nga babaye human kini gi-atake sa usa ka dako nga IHO sa usa ka baybayon sa Sydney, Australia, kagahapong adlawa.
Nasaksihan sa mga tawo sa palibot ang pag-atake dihang nakita ang daghang dugo sa tubig, hinungdan sa paspas nga pagresponde sa mga lifeguard ug rescue personnel.
Nakaangkon ang biktima og grabeng mga samad sa iyang wala nga batiis ug mga bukton sa wala pa siya malampusong nadala sa luwas nga bahin.
Gilayon siyang gihatagan og medikal nga atensyon ug blood transfusion sa mga paramedic sa dapit mismo, una pa siya gidala ngadto sa St. Vincent’s Hospital.
Sa pagkakaron, nagpabilin sa seryoso ug kritikal nga kahimtang ang biktima samtang padayon ang pag-monitor sa mga lokal nga awtoridad sa maong insidente. (JANE ABULAG)
