Nangunay na’g kalkal ang mga trabahante sa civil defense sa siyudad sa Nabatieh, Lebanon batok sa mga debris ug basura sa ilang naguba nga headquarters human kini naigo sa pagpabuto sa Israel sa miaging bulan.
Bisan pa nga klaro kining giila nga usa ka civil defense center, wala gihapon kini naluwas gikan sa grabe nga airstrike.
Matag adlaw nga mobalik ang mga rescue workers sa maong dapit aron mangita sa ilang mga personal nga kagamitan, importanteng mga archive, ug mga handumanan.
Sumala sa regional head nga si Hussein Fakih, moabot na ngadto sa siyam ka mga miyembro sa ilang grupo ang namatay samtang 15 naman ang nangaangol niini nga gubat.
Hisayran nga nagpabilin ang kaguol sa maong mga trabahante tungod kay mas dako pa ang oras nga ilang gigugol sa maong center kaysa sa ilang kaugalingong mga panimalay.
