Mikabat na sa 164 ang nakumpirmang patay ug hapit 1,000 ang naangol human giigo sa duha ka kusog nga linog ang nasod sa Venezuela niadtong Miyerkules sa gabii.
Base sa talaan sa U.S. Geological Survey, usa ka magnitude 7.2 nga pagtay-og ang unang miigo sa dapit nga 160 kilometros kasadpan sa Caracas, nga gisundan dayon og magnitude 7.5 human ang pipila ka segundo.
Gibutyag ni interim President Delcy Rodríguez nga daghan ang nangatumpag nga mga edipisyo nga maoy hinungdan sa dakong ihap sa mga biktima.
Gani, nagpasidaan ang U.S. Geological Survey nga posibleng moabot pa sa kapin 10,000 ang gidaghanon sa mga mamatay tungod sa kakusog sa maong kalamidad.
Agig tubag, gitanyag na ni US President Donald Trump ang iyang tabang sa maong nasod tungod sa iyang kabalaka sa posibleng makalilisang nga gidaghanon sa mga kinabuhing makalas -REUTERS
