Padayon ang koordinasyon sa National Capital Region Police Office o NCRPO uban sa Philippine National Police National Headquarters ug uban pang mga ahensya sa gobyerno isip kabahin sa pagpangandam alang sa umaabot nga State of the Nation Address o SONA.
Matod ni NCRPO spokesperson Police Major Hazel Asilo, nakapokus karon ang kapulisan sa pagpalig-on sa mga lakang sa seguridad aron masiguro ang hapsay nga dagan sa maong nasudnong kalihokan.
Gawas niini, padayon usab nga gimonitor sa mga awtoridad ang mga grupo nga posibleng magpahigayon og mga protesta sa adlaw sa SONA aron masiguro ang hapsay ug malinawong pagpahigayon sa ilang mga aktibidad.
Gipaniguro ni Asilo nga andam ang kapulisan sa pagmintinar sa kahusay ug kalinaw, samtang ginatuman ang ilang mandato sa pagpanalipod sa publiko ug pagrespeto sa katungod sa mga magpahigayon og legal nga asembliya.
Matod pa sa NCRPO, kabahin kini sa ilang komprehensibong security preparations alang sa umaabot nga SONA.
