Suportado sa Simbahang Katoliko ang sugyot nga balaodnon sa Kongreso nga nagtinguha sa pag-ban sa social media alang sa mga batan-on nga nagpangidaron og 12 anyos paubos.
Sa pakighinabi sa Bombo Radyo kang Bro. Wilson Amad, usa ka katekista, gibutyag niini nga ang maong lakang makatabang aron mas mapunting sa mga ginikanan ug magtutudlo ang paggiya sa mga kabataan nga dili na malingla sa social media.
Hinuon, andam usab si Amad nga manguna sa pagpasaka og position paper sa Department of Education aron ipatuman ang hingpit nga pagdili sa pagdala og cellphone sa mga tulunghaan, ilabi na sa elementarya.
Tungod niini, gipamugos sa katekista nga gikinahanglan gayod ang tingog ug suporta sa mga ginikanan aron madasig ang kagamhanan sa pag-implementar niining maong pamaagi alang sa kaayohan sa mga bata.
