Gikondena sa pundok sa Partido Manggagawa ang pagpadayon sa regional wage boards human kini mapakyas sa paghatag og igo nga umento sa suweldo sulod na sa 39 ka tuig.
Sumala ni Ka Rene Magtubo, Chairperson sa Partido Manggagawa, bisan pa man nga gituyo kini nga mekanismo aron madani ang mga negosyo sa probinsya, wala kini nakahimo og positibong resulta alang sa mga trabahante.
Dugang pa niya, nagpasabot lamang kini nga interes sa mga negosyante ang kanunay nga gipaboran sa maong wage board imbes nga tumanon ang tinuod nga panginahanglan sa mga mamumuo.
Alang kaniya, tungod niini, ang suweldo sa mga mamumuo anaa pa gihapon sa lebel sa poverty threshold o gitawag nga starvation wages hangtod karon.
