Suportado sa Cagayan de Oro First Taxi Drivers Alliance o CAFITADA ang electric vehicle law kon EVIDA law, apan giklaro sa maong pundok nga kinahanglan unahon ang ilang sektor batok sa mga langyaw nga mosulod.
Matod kang Bernie Jamaca, Presidente sa Cafitada Taxi Federation, wala silay pagsupak sa balaod sa zero emission kundili nabalaka lamang sila sa pag-abot sa dagkong bag-ong kompanya dinhi sa rehiyon pinaagi sa maong balaod.
Gidugang pa niya nga angay tagaan og proteksyon ug prayoridad ang mga lumad nga nagnegosyo sa transportasyon aron dili maapektuhan ang ilang panginabuhian.
Busa nanawagan siya sa gobyerno nga hatagan og pagtagad ang kahimtang sa mga local taxi drivers ug operators sa dakbayan.
