Padayon sa pagpahigayon ang Department of Social Welfare and Development Region 10 sa ilang manual o face-to-face payout ug pag-proseso sa mga digital account sa mga benepisyaryo sa rehiyon alang sa UP-LIFT Program.
Gipasabot ni Oliver Badel Inodeo, DSWD Information Officer II, nga lakip sa gitarget karon buhatan ang 6,854 ka pamilya sa Dakbayan sa Cagayan de Oro aron masiguro nga mahatagan sila sa ilang hinabang.
Dugang pa niya, malampuson usab nga nakadawat og naka proseso ang 1,914 ka pamilya sa Maramag samtang padayon usab ang gihimong payout sa Tubod, Lanao del Norte ug sa Barangay 26 nga naglangkob sa 3,780 ka pamilya bisan pa sa mga kalihokan sa ilang charter day.
Segun sa pagpaningkamot sa ahensya, gipasalig niini nga magpabiling hapsay ang pagpanghatag sa mga payout site sa rehiyon
