Gikatakdang magdeploy sa kapin kun kulang 4,600 ka mga personahe sa kapulisan ang buhatan sa Police Regional Office 10 alayon sa State of the Nation Address ni President Ferdinand Marcos Jr karong lunes.
Matud pa ni Police Major Joann Navarro, ang spokesperson sa maong buhatan, nagpabilin karon ang ilang han-ay sa heightened alert status ug naghulat pa sila sa dugang direktiba gikan sa national headquarters.
Gipasabot usab niya nga gawas sa mga checkpoint ug border control points, giandam nila ang mga quick reaction teams, medical units, ug drone operators aron magbantay sa tibuok rehiyon.
Tungod niini, nanawagan ang kapulisan sa katawhan alang sa padayon nga kooperasyon ug pagsunod sa mga gipatuman nga siguridad.
