Naghinaot ang pundok sa Akademiya at Bayan Kontra Disimpormasyon at Dayaan nga sa pag-abri sa bag-ong Kongreso, aduna nay mga balaod nga mapatupad alang sa tinuod nga kaayuhan sa mga Pilipino, matud pa sa ilang convenor nga si Mike Pante.
Sa iyang interbyu, gipunting usab ni Pante nga kulang ra kaayo ang gipatuman nga minimum wage increase sa National Capital Region ug wala kini makatabang sa mga mamumuo sa ubang mga rehiyon.
Gipasabot pa gyud niya nga subay sa ilang pagtuon, mokabat sa kapin P30,000 ang kinahanglanon sa usa ka pamilya nga adunay lima ka miyembro aron lamang mabuhi sa kasamtangang kahimtang.
Tungod niini, nanawagan usab ang pundok nga hatagan na og saktong pagtagad ug katumanan ang dugay na nga panawagan sa mga mamumuo ug magtutudlo alang sa pagpataas sa ilang suweldo.
