Gikondena sa pundok sa Gabriela ang mga diplomatikong relasyon ug kasabutan nga nagduot sa nasud sa disbentaha.
Sa iyang interbyu sa Bombo Radyo kang Dr. Jean A. Lindo gikan sa maong grupo, siya miingon nga bisan pa kon ang pulong nga “Pax” nagpasabot og kalinaw, wala gihapon nahimong pabor sa mga Pilipino ang maong kasabutan.
Matod pa niya, ang mga internasyonal nga relasyon ug mga diplomatikong kasabutan sama sa “Pax Silica” nagdala hinuon og disbentaha sa atong nasud.
Dugang pa niya, bisan pa og gipasabot kini nga kalinaw o peace, konektado hinuon kini sa mga aktibidad militar sa Estados Unidos ug sa pagmina sa silica dinhi sa atong kayutaan.
Busa giklaro niya nga dili kini matawag nga tinuod nga kalampusan o accomplishment, tungod kay kagubot ug problema lamang ang gidala niini sa katawhan.
